ສກຂ
ຫລວງພະບາງ ສອບເສັງຄັດເລືອກເອົານັກຮຽນທີ່ຈົບ ມໍ7 ທົ່ວແຂງຫລວງພະບາງເຂົ້າຮຽນຕໍ່ວີຊາອາຊີບ
ລະດັບຕ່າງໆທີ່ ສສ ຫວຽດນາມ ສົກປີ 2016-2017.
............................................................
ເພື່ອເປັນການຄັດເລືອກເອົານັກຮຽນຜູ້ທີ່ຮຽນເກັ່ງ, ມີຄຸນສົມບັດດີທົ່ວແຂວງຫຼວງພະບາງເຂົ້າຮຽນຕໍ່ວິຊາຊີບລະດັບຕ່າງໆທີ່ ສສ
ຫວຽດນາມ ໃນສົກປີ 2016-2017 ຕອນເຊົ້າຂອງວັນທີ 19 ກໍລະກົດ 2016 ທີ່ພະແນກສຶກສາທິການ ແລະ
ກິລາແຂວງຫຼວງພະບາງ ໄດ້ຈັດພິທີເປີດການສອບເສັງ
ຄັດເລືອກເອົານັກຮຽນຈົບຊັ້ນມັດທະຍົມຕອນປາຍ (ມ.7) ທົ່ວແຂວງ.
ຫຼວງພະບາງ
ເພື່ອເຂົ້າຮຽນຕໍ່ຊີບລະດັບຕ່າງໆທີ່ ສສ ຫວຽດນາມ ໂດຍການໃຫ້ກຽດເຂົ້າຮ່ວມຂອງທ່ານ ເອິງ
ລໍສະຫວັດ ຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ,ທ່ານ
ຊາຍສະຫວັນ ຈັນມານິດ ຮອງຫົວໜ້າ ພະແນກສຶກສາ, ມີ ທ່ານ
ຫົວໜ້າ-ຮອງຫົວໜ້າຂະແໜງ,ຄູ-ອາຈານ ແລະ
ນ້ອງນັກຮຽນຕະຫຼອດຮອດພາກສ່ວນກ່ຽວຂ້ອງ ເຂົ້າຮ່ວມ. ໂອກາດດັ່ງກ່າວ ທ່ານ ສີຈັນ ບຸນອາທອນ
ຫົວໜ້າຂະແໜງອາຊີວະສຶກສາ ແລະ ອົບຮົມວິຊາຊີບພະແນກສຶກສາ ໄດ້ຂື້ນຜ່ານບົດລາຍງານກ່ຽວກັບການກະກຽມການສອບເສັງໃນຄັ້ງນີ້
ໃຫ້ຮູ້ວ່າ: ໄດ້ເລີ່ມຂາຍໃບຄຳຮ້ອງໃຫ້ແກ່ຜູ້ສະມັກ ເຂົ້າສອບເສັງແຕ່ວັນທີ 27 ມິຖຸນາ - 15 ກໍລະກົດ 2016 ໃນລາຄາ ຊຸດລະ 40.000 ກີບ. ມີນັກຮຽນມາຈາກ 12 ເມືອງ ແລະ ໂຮງຮຽນອ້ອມຂ້າງແຂວງຊື້ໃບຄຳຮ້ອງຂໍສອບເສັງໃນຄັ້ງນີ້ລວມມີ 498 ຄົນ,ຍີງ 212 ຄົນ.ໃນນີ້
ໄດ້ຈັດຫ້ອງສອບເສັງທັງໝົດ 25 ຫ້ອງ,ແຕ່ລະຫ້ອງ ບັນຈຸນັກສອບເສັງບໍ່ເກີນ 20 ຄົນ,ນັ່ງຄົນລະໂຕະ,ແຕ່ລະຫ້ອງມີອາຈານຄວບຄຸມຫ້ອງເສັງ 2 ທ່ານ, ການສອບເສັງ ມີ 4 ວິຊາຄື: ຄະນິດສາດ,ເຄມີສາດ,ພາສາລາວ-ວັນນະຄະດີ
ແລະ ປະຫັວດສາດ. ຄະນະດຽວກັນນີ້ ທ່ານ ເອິງ ລໍສະຫວັດ ຫົວໜ້າພະແນກສຶກສາທິການ ແລະ
ກິລາແຂວງຫຼວງພະບາງ ໄດ້ໃຫ້ກຽດ ໂອ້ລົມ ແລະ
ເນັ້ນໜັກໃຫ້ນ້ອງນັກຮຽນເອົາໃຈໃສ່ປະຕິບັດກົດລະບຽບໃນການສອບເສັງ ແລະ ໃຫ້ນຳນ້ອງໆຕັ້ງໃຈ
ນຳເອົາ ບົດຮຽນ ທີ່ໄດ້ຮຽນມາສຸມໃສ່ໃນການສອບເສັງເພື່ອຍາດເອົາຄະແນນດີ ແລະ
ເປັນຕົວແທນຂອງນັກຮຽນແຂວງຫຼວງພະບາງ ໄປຮຽນຕໍ່ຕ່າງປະເທດ(ສສ ຫວຽດນາມ) ພ້ອມທັງຕັດເປີດຊອງຫົວບົດໃນການສອບເສັງ, ສຳລັບການສອບເສັງຄັ້ງແມ່ນຈະໃຊ້ ເວລາພຽງ 1ວັນ.
